Gu'angdungning partkom sékrétari xitay kompartiyisining bext-sa'adet qarishini tenqid qildi

Xitayning gu'angdung ölkilik partkom sékrétari wang yang ötken hepte ölkilik partiye qurultiyida qilghan sözide "Biz aldi bilen, xelqqe bext-sa'adetni kompartiye ata qilidu, deydighan xata chüshenchidin qutulushimiz lazim" dégen.
Muxbirimiz shöhret hoshur
2012-05-21
Élxet
Pikir
Share
Print

U sözide, partiye xelqning ijadkarliqi we teshebbuskarliqigha hörmet qilip xelqning öz aldigha bext-sa'adet yolini tallishigha hörmet qilishi kérek" dégen. Wang yangning bu sözliri, xitay kompartiyisining 18-qurultiyidin kéyin shekillen'güsi yéngi rehberlik qatlimi we yéngi yüzlinishi heqqide isharet dep qaralmaqta.

Roytris agéntliqining bügünki bu heqtiki bir xewer analizida wang yang xitay merkizi komitét siyasiy byurusida, bo shileyge mölcherlen'gen orunni toluqlighuchi kishi dep tonushturulghan.

Analizda, wang yang "Ikkinchi wén jyabaw" dep tilgha élin'ghan we uning siyasiy byuruda islahatchi qanatning bayraqdari bolup qélish éhtimalliqi otturigha qoyulghan. Wang yang, yéqinda gu'angdung ölkisining wuken kentide yüz bergen ammiwi qarshiliq herikitini siliq bir terep qilalighini yeni wuken kentide démokratik saylamning ötküzülüshige zémin hazirlap bergini üchün xitaydiki islahat terepdarlirining alqishigha érishken. Wang yang 2009-yili 5-iyul ürümchi weqesi heqqide pikir bayan qilghandimu, milliy mesililerni qattiq qol bilen bir terep qilishning waqti ötkenlikini otturigha qoyghan.

Toluq bet