Бир қисим даңлиқ хитай паалийәтчиләр уйғур журналист ғәйрәт ниязниң 15 йиллиқ кесилгәнликигә наразилиқ билдүрүп имза топлашқа башлиған

Бир қисим даңлиқ хитай паалийәтчиләр уйғур журналист ғәйрәт ниязниң 15 йиллиқ кесилгәнликигә наразилиқ билдүрүш вә униң қоюп берилишини қолға кәлтүрүш үчүн имза топлашқа башлиған. Бирләшмә агентлиқида көрситишичә, мәзкур имза топлаш паалийити хитай ичидә елип берилған болуп, хәткә нөвәттә 23 нәпәр хитай зиялийси имза қойған. Хәт хитайдин хоңкоңға елхәт арқилиқ йолланған вә җүмә күни хоңкоңда елан қилинған.
Мухбиримиз җүмә
2010-07-31
Елхәт
Пикир
Share
Принт
Хәт хоңкоңдики хитай кишилик һоқуқ қоғдиғучилири тәшкилати тәрипидин елан қилинған. Ғәйрәт нияз " 5 - июл үрүмчи вәқәси" һәққидә ғәрб мәтбу’атлириға пикир баян қилған иди. Хәткә хитайдики даңлиқ кишилик һоқуқ адвокати тең бяв вә хитай иҗтимаий пәнләр академийисиниң сабиқ қанун тәтқиқатчиси фән яфең қатарлиқлар имза қойған. Хәт җүмә күни "уйғурбиз" торидиму елан қилинған иди. Тең бяв вә фән яфеңлар бирләшмә агентлиқиға мәзкур хәткә имза қойғанлиқини дәлиллигән. Өткән һәптә хәлқарадики нопузлуқ кишилик һоқуқ тәшкилатлириму арқа - арқидин баянат елан қилип, хитайниң ғәйрәт ниязға 15 йиллиқ қамақ җазаси бәргәнликини әйиблигән иди.
Пикирләр (0)
Share
Толуқ бәт