Адвокатлар гуәнтанамодики бәш уйғурни америкиға орунлаштурушни тәләп қилди

Франсийә агентлиқиниң баян қилишичә, америкиниң кубадики гуәнтанамо түрмисидә техичә тутуп туруливатқан ахирқи бәш нәпәр уйғурниң адвокатлири, вашингтондики америка сот мәһкимисигә илтимас сунуп, бу бәш уйғурни америкида азад қилишни тәләп қилди.
Мухбиримиз вәли
2010-04-07
Елхәт
Пикир
Share
Принт

Америка сотчиси 2008‏- йилидила, гуәнтанамода тутуп туруливатқан уйғурларға бундақ һоқуқни бәргән иди. Әмма америка дөләт мәҗлиси, гәрчә түрки тилида сөзлишидиған бу мусулманларни хитайға қайтурушни рәт қилған болсиму, әмма йәнила уларниң илтимасини тосуп қойған иди. Шуңлашқа уларниң илтимаси башқа җайларға йөткәп берилип келиниватиду.

Хәвәрдә ейтилишичә, гуәнтанамода техичә тутуп туруливатқан бу бәш уйғурниң адвокатлири сунған әрзидә, "бу бәш уйғур һәргизму бизниң дүшмәнлиримиз әмәс, буларға сиясий әмәс, бәлки тамамән қанун бойичә муамилә қилиниши керәк. Әгәр булар гуәнтанамо түрмисидә тутуп туруливатқили тоққуз йил болғандиму, йәнила буларниң һоқуқиға қанун тәрипидин сәл қаралса, буни қобул қилишқа болмайду" дәп оттуриға қойған. Һөкүмәт адвокатлири болса, "бу бәш уйғурни қобул қилмақчи болған палавму улар талливалидиған йәнә бир йол," дегән.

Пикирләр (0)
Share
Толуқ бәт