Adwokatlar gu'entanamodiki besh Uyghurni amérikigha orunlashturushni telep qildi

Fransiye agéntliqining bayan qilishiche, amérikining kubadiki gu'entanamo türmiside téxiche tutup turuliwatqan axirqi besh neper Uyghurning adwokatliri, washin'gtondiki amérika sot mehkimisige iltimas sunup, bu besh Uyghurni amérikida azad qilishni telep qildi.
Muxbirimiz weli
2010-04-07
Élxet
Pikir
Share
Print

Amérika sotchisi 2008‏- yilidila, gu'entanamoda tutup turuliwatqan Uyghurlargha bundaq hoquqni bergen idi. Emma amérika dölet mejlisi, gerche türki tilida sözlishidighan bu musulmanlarni xitaygha qayturushni ret qilghan bolsimu, emma yenila ularning iltimasini tosup qoyghan idi. Shunglashqa ularning iltimasi bashqa jaylargha yötkep bérilip kéliniwatidu.

Xewerde éytilishiche, gu'entanamoda téxiche tutup turuliwatqan bu besh Uyghurning adwokatliri sun'ghan erzide, "bu besh Uyghur hergizmu bizning düshmenlirimiz emes, bulargha siyasiy emes, belki tamamen qanun boyiche mu'amile qilinishi kérek. Eger bular gu'entanamo türmiside tutup turuliwatqili toqquz yil bolghandimu, yenila bularning hoquqigha qanun teripidin sel qaralsa, buni qobul qilishqa bolmaydu" dep otturigha qoyghan. Hökümet adwokatliri bolsa, "bu besh Uyghurni qobul qilmaqchi bolghan palawmu ular talliwalidighan yene bir yol," dégen.

Toluq bet