Gu'antanamo türmisidiki aka - uka mehbuslar

Washin'giton pochtisi gézitining xewer qilishiche, gu'antanamo türmiside yétiwatqan Uyghur mehbuslardin ikki nepiri aka - uka bolup, ular ayrim - ayrim halda pakistan we afghanistanda qolgha élin'ghan.
Muxbirimiz shohret hoshur
2009-09-29
Élxet
Pikir
Share
Print

Xewerde bildürülishiche mehbus bextiyar mahmut erkinlik izdep 2001 ‏- yili chet'elge chiqqan we afghanistanda herbiy telim körgen, akisi erkin maxmut qérindishini izdep pakistan'gha chiqqan. Ikki qérindash gu'antanamo türmiside tépishqan.

Bu qétim aral döliti palawning gu'antanamo türmisidiki 12 Uyghurni qobul qilghanliqi mehbuslargha uqturulghan. Mehbus bextiyar maxmut tizimlikte akisining yoqluqini, akisining türmide yalghuz qalidighanliqini uqqandin kéyin, palawgha bérish qararidin waz kechken we gu'antanamo türmiside akisigha hemrah bolup, dawamliq qalidighanliqini bildürgen.

Nöwette, bu weqe axbarat sahesining küchlük diqqitini tartmaqta. Washin'gton pochtisi géziti bu heqtiki maqaliside, amérika dölet mejilisining, bu aka - uka mehbuslarning ehwaligha alahide mu'amile qilip, ularning amérikida qélishigha yol qoyushi kéreklikini otturigha qoyghan.

Toluq bet