Гугул ширкити хитайдики издәш маторини тақашни асасән муқимлаштуруп болған

Хитайда аваричиликкә йолуққан гугул ширкити хитайдики издәш маторини тақашни асасән муқимлаштуруп болғанлиқини билдүргән.
Мухбиримиз җүмә
2010-03-13
Елхәт
Пикир
Share
Принт

"Иқтисад вақит гезити"дә бу һәқтә берилгән хәвәрдә көрситишичә, гугул ширкити билән хитай арисида интернет чәклимиси вә гогулниң хаккерлар һуҗумға учраш қатарлиқ мәсилиләрдә елип бериватқан сөһбәтләр ахирқи чәккә йетип қилған.

Хәвәрдә оттуриға қоюлушичә, гугул өз торида бу һәқтә бәргән уқтурушиға, хитайдин қандақ чекиниш тоғрисида тәпсилий пиланлирини оттуриға қойған.

Хитай даирилири гогулни җүмә күни агаһландуруп, әгәр гугул хитайда йәнә давамлиқ сода қилимән дәйдикән, хитайниң қанунлириға бойсунуши керәкликини көрсәткән иди.

Бу йил январда гугул ширкитиниң хитай тармиқи, хитай һөкүмити интернет издәш маториға қаратқан чәклимиси вә гугул абунтлириниң елхәт һесаватлириға қаратқан интернет һуҗумлирини аяғлаштурмиса хитайдин чиқип кетидиғанлиқини илгири сүргән иди.

Шундин кейин гугул мәсилиси америка - хитай сөһбәтлиридики назук темиларниң бири болуп қалған иди.

Хәвәрдә нәқил қилишичә, гогулниң ички ишлиридин хәвәрдар бир хадим гогулниң хитайдин чиқип кетиш яки чиқип кәтмәслик қарарини пат арида алидиғанлиқини билдүргән.
Пикирләр (0)
Share
Толуқ бәт