Һиндистан бихәтәрлик хадимлири қораллиқ мавчилар билән җиддий етишти

Бирләшмә агентлиқиниң йеңи деһлидин баян қилишичә, бүгүн һиндистанниң чахаттисгарх шитатиниң канкар районида, һиндистан бихәтәрлик хадимлири, йеңи деһлидин миң километир йирақлиқтики бир орманлиқта тазилаш елип бериватқанда, мавчилар юшуринивалған истиһкамлиридин чиқип, уштумтут һуҗумға өтүп җиддий етишиш йүз бәргән.
Мухбиримиз вәли
2010-08-29
Елхәт
Пикир
Share
Принт

Вәқәдә, һиндистан сақчилиридин 2 си, қораллиқ мавчилардин3 и етип өлтүрүлгән.

Һиндистан бихәтәрлик сақчи идарисиниң башлиқи вишваранҗанниң ейтишичә, хитайдики мавзедоң һаят вақтида һиндистанда қурған мавчилар тәшкилати 40 нәччә йилдин буян, һиндистандики 28 шитатниң 20 сидә һәрикәт қилип келиватиду.

Улар шәһәрләрдин йирақ, деһқанчилиқ үнүми яхши болмиған җайлардики иптидаи орманлиқларға йошурунған, уларниң сани 10 миңдин 20 миңға қәдәр.

Уларниң һуҗум нишани һиндистан сақчилири, һөкүмәт хадимлири яки шу җайда һөкүмәткә вәкиллик қилидиған кишиләр.

Йеқинқи йилларда һиндистанниң иқтисадий күндин - күнгә яхшилинип, һазир бухил иқтисадий тәрәққиятниң көлими кеңәйгәнсири, мавчиларниң уштумтут һуҗуми шунчә көпийиватиду.

Толуқ бәт