Hindistan bixeterlik xadimliri qoralliq mawchilar bilen jiddiy étishti

Birleshme agéntliqining yéngi déhlidin bayan qilishiche, bügün hindistanning chaxattisgarx shitatining kankar rayonida, hindistan bixeterlik xadimliri, yéngi déhlidin ming kilométir yiraqliqtiki bir ormanliqta tazilash élip bériwatqanda, mawchilar yushuriniwalghan istihkamliridin chiqip, ushtumtut hujumgha ötüp jiddiy étishish yüz bergen.
Muxbirimiz weli
2010-08-29
Élxet
Pikir
Share
Print

Weqede, hindistan saqchiliridin 2 si, qoralliq mawchilardin3 i étip öltürülgen.

Hindistan bixeterlik saqchi idarisining bashliqi wishwaranjanning éytishiche, xitaydiki mawzédong hayat waqtida hindistanda qurghan mawchilar teshkilati 40 nechche yildin buyan, hindistandiki 28 shitatning 20 side heriket qilip kéliwatidu.

Ular sheherlerdin yiraq, déhqanchiliq ünümi yaxshi bolmighan jaylardiki iptida'i ormanliqlargha yoshurun'ghan, ularning sani 10 mingdin 20 minggha qeder.

Ularning hujum nishani hindistan saqchiliri, hökümet xadimliri yaki shu jayda hökümetke wekillik qilidighan kishiler.

Yéqinqi yillarda hindistanning iqtisadiy kündin - kün'ge yaxshilinip, hazir buxil iqtisadiy tereqqiyatning kölimi kéngeygensiri, mawchilarning ushtumtut hujumi shunche köpiyiwatidu.

Toluq bet