Һөҗҗәтлик филим-«муһәббәтниң он шәрти» үрүмчи дөңкөврүк әтрапида байқалған

Уйғур миллий һәрикити рәһбири рабийә қадир ханим һәққидә ишләнгән һөҗҗәтлик филим -«муһәббәтниң он шәрти» ниң үрүмчи кочилирида пәйда болғанлиқи илгири сүрүлгәндин кейин, хитай даирилири үрүмчи дөңкөврүк әтрапида өймуөй ахтурушқа башлиған.
Мухбиримиз җүмә
2011-02-21
Елхәт
Пикир
Share
Принт

Дуня уйғур қурултийи баянатчиси дилшат ришитниң билдүрүшичә, һөҗҗәтлик филим пластинкиси 10-февралниң алди-кәйнидә үрүмчи дөңкөврүк әтрапида байқалған.

«Муһәббәтниң он шәрти» 2009-йили декабирдин башлап 30 дин артуқ хәлқаралиқ филим фестивалиға қоюлған вә мәзкур филим көрситилгән фестиваллар хитайниң қаршилиқиға учриған иди.

Мәзкур һөҗҗәтлик филимниң бирдинла үрүмчи кочилирида тарқилиши хитай даирилирини җиддийләштүргән.

Дилшат ришитниң ейтишичә, хитай даирилири өткән икки һәптидин буян дөңкөврүк әтрапидики дукан вә уйғур өйлирини ахтурушни давамлаштурмақта икән.

«Муһәббәтниң он шәрти» ниң 2009-йили мелбурн хәлқара филим фестивалиға тунҗи қетим қоюлуши австралийә-хитай мунасивәтлирини бир мәзгил йирикләштүргән иди.

Пикирләр (0)
Share
Толуқ бәт