Ички моңғулда алий мәктәп пүттүрүп иш күтүп туруватқан моңғул оқуғучилар намайиш қилди

Ички моңғулниң җерим аймиқида дарелмуәллиминни пүттүрүп иш күтүп турған моңғул оқуғучилар йеқинда намайиш қилип, һөкүмәт даирилириниң «уларни ишқа орунлаштуруш вәдисидә турмиғанлиқи» ға наразилиқ билдүргән.
Мухбиримиз әркин
2011-07-29
Елхәт
Пикир
Share
Принт

Мәркизи америкиниң ню-йорк шәһиридики җәнубий моңғулийә кишилик һоқуқ учур мәркизиниң хәвәр қилишичә, һазир тоңляв дәп атилидиған сабиқ җерим аймиқиға қарашлиқ һәр қайси наһийиләрдин 400 дәк иш күтүп турған сабиқ моңғул дарилмуәллимин оқуғучилири өткән дүшәнбә күни вилайәтлик һөкүмәт бинаси алдида намайиш қилған.

Намайиш бир күн давам қилған вә бу җәрянда намайишчилар һөкүмәт бинасиға кирип, һөкүмәт башлиқи билән көрүшүшкә урунған болсиму, бирақ аманлиқ хадимлири тәрипидин тосувелинған.

Җәнубий моңғулийә кишилик һоқуқ учур мәркизи, намайишчиларниң 1998‏-йилдин 2003‏-йилғичә дарелмуәллиминни пүттүрүп иш күтүп турған яшлар икәнликини, һөкүмәт вә мәктәп илгири уларни оқуш пүттүрсә хизмәт беришкә вәдә қилип қобул қилғанлиқини, бирақ дарелмуәллиминни оқуған 2500 дәк оқуғучиниң мутләқ көп қисмиға һазирға қәдәр хизмәт берилмигәнликини билдүрди.

Бу вәқә ички моңғулниң шилиңғол аймиқида бу йил 5‏-айда партлиған нәччә миң кишилик намайиш вә буниңдин сәл бурун байренғол аймиқида йүз бәргән миң кишилик моңғул чарвичилириниң намайишидин кейин мәйданға кәлгән моңғулларниң йәнә бир қетимлиқ наразилиқ һәрикити.

Пикирләр (0)
Share
Толуқ бәт