Ichki mongghulda aliy mektep püttürüp ish kütüp turuwatqan mongghul oqughuchilar namayish qildi

Ichki mongghulning jérim aymiqida darélmu'elliminni püttürüp ish kütüp turghan mongghul oqughuchilar yéqinda namayish qilip, hökümet da'irilirining "Ularni ishqa orunlashturush wediside turmighanliqi" gha naraziliq bildürgen.
Muxbirimiz erkin
2011-07-29
Élxet
Pikir
Share
Print

Merkizi amérikining nyu-york shehiridiki jenubiy mongghuliye kishilik hoquq uchur merkizining xewer qilishiche, hazir tonglyaw dep atilidighan sabiq jérim aymiqigha qarashliq her qaysi nahiyilerdin 400 dek ish kütüp turghan sabiq mongghul darilmu'ellimin oqughuchiliri ötken düshenbe küni wilayetlik hökümet binasi aldida namayish qilghan.

Namayish bir kün dawam qilghan we bu jeryanda namayishchilar hökümet binasigha kirip, hökümet bashliqi bilen körüshüshke urun'ghan bolsimu, biraq amanliq xadimliri teripidin tosuwélin'ghan.

Jenubiy mongghuliye kishilik hoquq uchur merkizi, namayishchilarning 1998‏-yildin 2003‏-yilghiche darélmu'elliminni püttürüp ish kütüp turghan yashlar ikenlikini, hökümet we mektep ilgiri ularni oqush püttürse xizmet bérishke wede qilip qobul qilghanliqini, biraq darélmu'elliminni oqughan 2500 dek oqughuchining mutleq köp qismigha hazirgha qeder xizmet bérilmigenlikini bildürdi.

Bu weqe ichki mongghulning shilingghol aymiqida bu yil 5‏-ayda partlighan nechche ming kishilik namayish we buningdin sel burun bayrén'ghol aymiqida yüz bergen ming kishilik mongghul charwichilirining namayishidin kéyin meydan'gha kelgen mongghullarning yene bir qétimliq naraziliq herikiti.

Toluq bet