Кабул даирилири марҗаһта һөкүмәт қуруш ишлирини башливәтти

Афған вә нато қисимлири марҗаһта талибан қалдуқ күчлиригә қарши урушни давамлаштуруватқан пәйтләрдә, кабул даирилири марҗаһта һөкүмәт қуруш ишлирини башливәткән.
Мухбиримиз җүмә
2010-02-22
Елхәт
Пикир
Share
Принт

Христиан илмий көзәтчилики гезитидә көрситишичә, марҗаһта җиддий тезлик билән һөкүмәт шәкилләндүрүш бу нөвәт елип берилған бирләшмә һәрбий һәрикәтниң муһим тәркибий қисми икән.

Хәвәрдә көрситишичә, уруш башлинип 10 - күни марҗаһ йезисиға тәйинләнгән йеза башлиқи һаҗи заһир юрт чоңлири вә мәһәллә ақсақаллири билән йеза мәркизидә йиғилип һөкүмәт хизмәтлири үстидә кеңәшкән.

Террорлуқ вә қораллиқ һуҗумлардин сақлиништа пуқраларниң көңлини утушни тәшәббус қилип келиватқан генерал станлей мкиристал марҗаһтики һәқиқий урушниң қораллиқ әмәс бәлки, бу йәрдә қурулидиған һөкүмәт вә бихәтәрлик хизмити икәнликини илгири сүргән.

Мәлум болушичә, нөвәттә марҗаһниң йәнә нурғун җайлирида талибан қисимлири көмгән йәр миналири вә талибанниң йошурун қалдуқ күчлири толуп тазилинип кетилмигән болсиму, афғанистанниң земин пүтүнлүкини әслигә кәлтүрүш вә марҗаһқа охшаш районларда кабулға қарашлиқ һөкүмәтләрни тәшкилләш афғанистандин әскәр чекиндүрүштин бурун тамамлинидиған хизмәтләрниң бири икән.

Пикирләр (0)
Share
Толуқ бәт