Kabul da'iriliri marjahta hökümet qurush ishlirini bashliwetti

Afghan we nato qisimliri marjahta taliban qalduq küchlirige qarshi urushni dawamlashturuwatqan peytlerde, kabul da'iriliri marjahta hökümet qurush ishlirini bashliwetken.
Muxbirimiz jüme
2010-02-22
Élxet
Pikir
Share
Print

Xristi'an ilmiy közetchiliki gézitide körsitishiche, marjahta jiddiy tézlik bilen hökümet shekillendürüsh bu nöwet élip bérilghan birleshme herbiy heriketning muhim terkibiy qismi iken.

Xewerde körsitishiche, urush bashlinip 10 - küni marjah yézisigha teyinlen'gen yéza bashliqi haji zahir yurt chongliri we mehelle aqsaqalliri bilen yéza merkizide yighilip hökümet xizmetliri üstide kéngeshken.

Térrorluq we qoralliq hujumlardin saqlinishta puqralarning könglini utushni teshebbus qilip kéliwatqan général stanléy mkiristal marjahtiki heqiqiy urushning qoralliq emes belki, bu yerde qurulidighan hökümet we bixeterlik xizmiti ikenlikini ilgiri sürgen.

Melum bolushiche, nöwette marjahning yene nurghun jaylirida taliban qisimliri kömgen yer minaliri we talibanning yoshurun qalduq küchliri tolup tazilinip kétilmigen bolsimu, afghanistanning zémin pütünlükini eslige keltürüsh we marjahqa oxshash rayonlarda kabulgha qarashliq hökümetlerni teshkillesh afghanistandin esker chékindürüshtin burun tamamlinidighan xizmetlerning biri iken.

Toluq bet