Канада баш министири харперниң қолидики тизимликтә нур мәһәммәт ясинниң исми бар

Канада баш министири стефен харпер 12 ‏ - айниң 2 ‏ - күнидин 6 ‏ - күнигичә хитайни зиярәт қилиду. Униң хитай билән сөзләшкәндә оттуриға қоюдиған, хәлқара кәчүрүм тәшкилати азад қилмақчи болған сиясий мәһбуслар тезимликидә нур мәһәммәд ясинниң исмиму бар.
Мухбиримиз вәли
2009-11-28
Елхәт
Пикир
Share
Принт

Бирләшмә агентлиқиниң баян қилишичә, канада баш министири стефен харпер буниңдин бурунқи төт йил ичидә, канаданиң кишилик һоқуқ қиммәт қаришида чиң туруп, хитайдики кишилик һоқуқ дәпсәндичиликини қаттиқ әйипләп, хитайға бесим ишлитип келиватқан дөләт рәһбири. Уни хитайниң ташқи ишлар министирлики баянатчиси чингаң 'биз халимайдиған һәрикәт билән шуғуллинидиған киши', 'униң далай ламани қоллиғини ақмайду' дәп җакарлап кәлмәктә.

Хәлқара кәчүрүм тәшкилати вә канадики кишилик һоқуқ тәшкилатлири, хитай түрмилиридики сиясий җинайәтчиләрни азад қилиш үчүн баш министири харперниң бу қетимқи хитай зияритидин үмид күтмәктә. Улар харперға тапшурған 11 нәпәр сиясий җинайәтчи тизимликидә, нур мәһәммәд ясинни 'ява кәптәр намлиқ мәшһур әдәби әсәрни язған мәшһур язғучиси бигуна уйғур, хитай уни бөлгүнчиликни тәрғип қилди, дәп 2004 ‏ - йили 2‏ - айда қолға елип 10 йиллиқ қамақ җазасиға һөкүм қилди, у, 1974‏ - йили маралвешида туғулған, униң әдәбий тәхәллуси өркиши, у һазир үрүмчи 1‏ - түрмисидә' дәп көрсәтти.

Оттава университетини зиярәт қиливатқан мутәхәссис шеңшүниң баян қилишичә, канада баш министири харпер иқтисадий мәнпәәт алдида кишилик һоқуқни қайрип қойидиған әрбаб әмәс, у америка президенти обамаға охшимайду, баш министир харперниң кишилик һоқуқ қиммәт қариши наһайити ениқ, мәйдани мустәһкәм, хитай түрмилиридики сиясий мәһбусларни азад қилиш җәһәттә униңдин үмид күтүш мумкин.
 
Шинхуа агентлиқи бүгүнки хәвиридә канада баш минстири харперни, хитай билән сода, мәбләғ селиш, муһит асраш вә район харәктерлиқ бихәтәрлик мәслилирини өз ичигә алған муһим мәсилиләр үстидә сөзлишиду, дәп баян қилди.

 
Пикирләр (0)
Share
Толуқ бәт