Xelq'ara kechürüm teshkilati qorghas nahiyiside yüz bergen shöhret tursun paji'esi heqqide chaqiriq élan qildi

Xelq'ara kechürüm teshkilati 25 - séntebir küni qorghas nahiyiside türmide urup öltürülgen shöhret tursun paji'esi heqqide chaqiriqname élan qildi.
Muxbirimiz shohret hoshur
2009-09-29
Élxet
Pikir
Share
Print

Chaqiriqta, mezkur teshkilat dunyaning herqaysi jayliridiki ezaliri we qollighuchilirigha xitap qilip, shöhret tursun paji'esidiki jawabkarningning sotqa tartilishi heqqide  alaqidar orunlargha  xet yézish telep qilin'ghan.

Ötken hepte shöhret tursun paji'esi dunyagha ashkarilan'ghandin kéyin, xitay da'iriliri shöhret tursunning dostliridin hajimemet we abdusalam nasirni "dölet mexpiyetlikini ashkarilash" gumani bilen tutqun qilghan idi. Kechürüm teshkilati mezkur chaqiriqida, hajimemet we abdusalamning xelq'ara qanun ölchemliri boyiche shertsiz qoyup bérilishi kéreklikini otturigha qoyghan.

Bügün yene xongkongdiki xongkong muxbirlar jemiyiti, 1350 kishidin imza toplap, ürümchi we sichü'ende xongkongluq muxbirlarning tayaq yéyish weqesi heqqide xitay hökümitige telepname sun'ghan.

Telepnamide, ürümchide we sichü'ende tekshürüsh élip bérishning toghra we qanuniy bir pa'aliyet ikenliki eskertilip, muxbirlargha qol tekküzgen saqchilarning jawabkarliqqa tartilishi telep qilin'ghan.

Toluq bet