Б д т ниң бейҗиңдики ишханиси алдида 10 - декабир кишилик һоқуқ күни мунасивити билән намайиш өткүзүлди

Тәхминән 2000 дәк хитай әрзийәтчи җүмә күни ‏10- декабир хәлқара кишилик һоқуқ күни мунасивити билән, б д т ниң бейҗиңдики ишханиси алдиға топлинип, б д т даирилиридин хитай пуқралириниң кишилик һоқуқиға көңүл бөлүшни тәләп қилди.
Мухбиримиз әркин
2010-12-10
Елхәт
Пикир
Share
Принт

Лекин, хитай даирилири зор көләмлик сақчи вә аманлиқ күчлирини чиқирип, намайишчиларни тутқун қилған. Бу һәқтики хәвәрләрдә хәлқара кишилик һоқуқ күни әрзийәтчиләрниң "қечиш күни" болуп қалғанлиқини илгири сүргән. Бошун ториниң бәргән хәвиридә илгири сүрүлүшичә, нәччә йүз кишилик намайишчи б д т ишханисиниң алдиға йиғилип, шоар товлиған. Бәзи намайишчилар қолида әрз -шикайәтнамилирини көтүрүп, б д т дин әрзийәтчиләрниң һоқуқиға диққәт қилишни тәләп қилған.

Бейҗиңдики намайиш норвегийә пайтәхти ослода өткүзүлгән хитай өктичилиридин лю шавбоға нобел мукапатини тарқитиш мурасими билән охшаш күндә елип берилғанлиқтин, бу вәқә даириләрни алақзадә қиливәткән. Вәқәни өз көзи билән көргүчиләрниң билдүрүшичә, сақчиларниң намайишчиларни тутқун қилип, сақчи аптомобиллирида елип маңған. Йәнә бир қисим намайишчилар тутқун қилиништин өзини чәткә елип қечишқа мәҗбур болған. Хитай һөкүмити нобел мукапатини тарқитиш күни кәң көләмлик бир наразилиқ һәрикитиниң партлишидин әнсирәп, өктичи затлар вә қарши пикирдики язғучи һәм паалийәтчиләрни назарәт қилиш һәм қамал астиға елишни күчәйткән иди.

Пикирләр (0)
Share
Толуқ бәт