B d t ning béyjingdiki ishxanisi aldida 10 - dékabir kishilik hoquq küni munasiwiti bilen namayish ötküzüldi

Texminen 2000 dek xitay erziyetchi jüme küni ‏10- dékabir xelq'ara kishilik hoquq küni munasiwiti bilen, b d t ning béyjingdiki ishxanisi aldigha toplinip, b d t da'iriliridin xitay puqralirining kishilik hoquqigha köngül bölüshni telep qildi.
Muxbirimiz erkin
2010-12-10
Élxet
Pikir
Share
Print

Lékin, xitay da'iriliri zor kölemlik saqchi we amanliq küchlirini chiqirip, namayishchilarni tutqun qilghan. Bu heqtiki xewerlerde xelq'ara kishilik hoquq küni erziyetchilerning "qéchish küni" bolup qalghanliqini ilgiri sürgen. Boshun torining bergen xewiride ilgiri sürülüshiche, nechche yüz kishilik namayishchi b d t ishxanisining aldigha yighilip, sho'ar towlighan. Bezi namayishchilar qolida erz -shikayetnamilirini kötürüp, b d t din erziyetchilerning hoquqigha diqqet qilishni telep qilghan.

Béyjingdiki namayish norwégiye paytexti osloda ötküzülgen xitay öktichiliridin lyu shawbogha nobél mukapatini tarqitish murasimi bilen oxshash künde élip bérilghanliqtin, bu weqe da'irilerni alaqzade qiliwetken. Weqeni öz közi bilen körgüchilerning bildürüshiche, saqchilarning namayishchilarni tutqun qilip, saqchi aptomobillirida élip mangghan. Yene bir qisim namayishchilar tutqun qilinishtin özini chetke élip qéchishqa mejbur bolghan. Xitay hökümiti nobél mukapatini tarqitish küni keng kölemlik bir naraziliq herikitining partlishidin ensirep, öktichi zatlar we qarshi pikirdiki yazghuchi hem pa'aliyetchilerni nazaret qilish hem qamal astigha élishni kücheytken idi.

Toluq bet