Җаң чүншән кона йилни хуласиләп , келәр йиллиқ хизмәт тәләплирини оттуриға қойди

25- Декабир күни уйғур аптоном районлуқ парткомниң 7-қурултийиниң 10-қетимлиқ кеңәйтилгән йиғини үрүмчидә чақирилди.
Мухбиримиз үмидвар
2010-12-26
Елхәт
Пикир
Share
Принт

Партком секретари җаң чүншән вә уйғур аптоном райони рәиси нур бәкри қатарлиқлар сөз қилип, 2010-йиллиқ хизмәтлирини хуласиләп, "12-5 йиллиқ пилан" җәрянида қилидиған ишлар һәққидә тохталди.

Шинхуа ториниң мәзкур йиғин һәққидики хәвиридә көрситилишичә, җаң чүншән сөзидә  2010-йиллиқ хизмәтлирини әсләп өтүп, "2010-йилиниң , шинҗаңниң  хәлқаралиқ пул-муамилә кризисниң һуҗуми вә 5-июл вәқәсидин ибарәт қош тәсиргә учриған, тәрәққият вә муқимлиқ мурәккәп һәм қаттиқ вәзийәткә дуч келип, елишиш билән толған бир йил болғанлиқи" ни көрсәткән.

У давамлиқ елип барғуси хизмәтләр һәққидә тохтилип, 2011-йилида һазир елип бериливатқан бир қатар сиясәт вә хизмәтләрниң давамлаштурилидиғанлиқи , җүмлидин қош тиллиқ маарип сияситини давамлиқ чиң тутуш лазимлиқини тәкитлигән.

Җаң сөзидә "иҗтимаий муқимлиқ вә бөлгүнчиликкә қарши туруш"ни қайта тәкитләп, "муқимлиқни қәтий тәврәнмәй қоғдаш һәмдә һәр дәриҗилик партийә вә һөкүмәт органлириниң муқимлиқ хизмитини муһим вәзипә сүпитидә әмәлийләштүрүши"ни тәләп қилған.

Бу қетимқи йиғинда йәнә келәр йили аптоном райониниң омумий ишләпчиқириш  миқдариниң 10% ашурулидиғанлиқи оттуриға қоюлған.
Бир қисим көзәткүчиләр  бу йилниң алдинқи йеримида бейҗиңда өткүзүлгән шинҗаң хизмәт йиғинидин кейин, ваң личүән вәзиписидин қалдурулуп, униң орниға җаң чүншән бәлгиләнгәндин кейин, хитай мәркизий һөкүмитиниң уйғурларға қарита юмшақ сиясий тактика қоллинишқа башлиған болсиму, бирақ, йеқинқи вақитлардин буян җаң чүншәнниң сөзлиридә "миллий бөлгүнчиликкә қарши туруш вә муқимлиқни қоғдаш" шоарлириниң қайтидин күчийиватқанлиқини тәһлил қилмақта.

Пикирләр (0)
Share
Толуқ бәт