Jang chünshen kona yilni xulasilep , kéler yilliq xizmet teleplirini otturigha qoydi

25- Dékabir küni Uyghur aptonom rayonluq partkomning 7-qurultiyining 10-qétimliq kéngeytilgen yighini ürümchide chaqirildi.
Muxbirimiz ümidwar
2010-12-26
Élxet
Pikir
Share
Print

Partkom sékrétari jang chünshen we Uyghur aptonom rayoni re'isi nur bekri qatarliqlar söz qilip, 2010-yilliq xizmetlirini xulasilep, "12-5 yilliq pilan" jeryanida qilidighan ishlar heqqide toxtaldi.

Shinxu'a torining mezkur yighin heqqidiki xewiride körsitilishiche, jang chünshen sözide  2010-yilliq xizmetlirini eslep ötüp, "2010-yilining , shinjangning  xelq'araliq pul-mu'amile krizisning hujumi we 5-iyul weqesidin ibaret qosh tesirge uchrighan, tereqqiyat we muqimliq murekkep hem qattiq weziyetke duch kélip, élishish bilen tolghan bir yil bolghanliqi" ni körsetken.

U dawamliq élip barghusi xizmetler heqqide toxtilip, 2011-yilida hazir élip bériliwatqan bir qatar siyaset we xizmetlerning dawamlashturilidighanliqi , jümlidin qosh tilliq ma'arip siyasitini dawamliq ching tutush lazimliqini tekitligen.

Jang sözide "ijtima'iy muqimliq we bölgünchilikke qarshi turush"ni qayta tekitlep, "muqimliqni qet'iy tewrenmey qoghdash hemde her derijilik partiye we hökümet organlirining muqimliq xizmitini muhim wezipe süpitide emeliyleshtürüshi"ni telep qilghan.

Bu qétimqi yighinda yene kéler yili aptonom rayonining omumiy ishlepchiqirish  miqdarining 10% ashurulidighanliqi otturigha qoyulghan.
Bir qisim közetküchiler  bu yilning aldinqi yérimida béyjingda ötküzülgen shinjang xizmet yighinidin kéyin, wang lichüen wezipisidin qaldurulup, uning ornigha jang chünshen belgilen'gendin kéyin, xitay merkiziy hökümitining Uyghurlargha qarita yumshaq siyasiy taktika qollinishqa bashlighan bolsimu, biraq, yéqinqi waqitlardin buyan jang chünshenning sözliride "milliy bölgünchilikke qarshi turush we muqimliqni qoghdash" sho'arlirining qaytidin küchiyiwatqanliqini tehlil qilmaqta.

Toluq bet