Liwiye qozghilangchiliri kazafiyning yurti sirtege qarap ilgirilidi

Liwiye qozghilangchiliri kazafiyge bérilgen teslim bolush möhlitining uzartilghanliqigha qarimay shenbe kün uning yurti sirtege qarap ilgirilidi.
Muxbirimiz jüme
2011-09-03
Élxet
Pikir
Share
Print

Kazafiyning tripolindin chékin'gendin kéyin, öz yurti sirtede mudapi'e turuwatqanliqi ilgiri sürülgen. Bügün uninggha esli bérilgen teslim bolush möhliti toshqan bolsimu, liwiye ötküchi hökümet milliy kéngishi kazafiyning teslim bolush möhlitini yene uzartqan idi.

Bu kazfiygha bérilgen teslim bolush möhliti 10-séntebirgiche uzartilghan.

Qozghilangchi armiyining yene bir bayanatchisi abdel hezif ghoja qozghilangchi armiyining ilgirileshtin toxtimighanliqini, kazafiyning ana yurti sirtege 50 kilométir yiraqliqtiki wadi hawarah yézisini igiligenlikini bildürgen.

Melum bolushiche, nöwette sirtediki yurt aqsaqalliri qozghilangchi armiyidin sirtege elchi ewetip, söhbet ötküzüshni telep qilghan.

Kazafiyning sirtege chékin'genliki we shu yerde sadaqetmenlirini qozghilangchi armiyige qarshi urush qilishqa ündewatqanliqi ilgiri sürülmekte.

Toluq bet