ليۇ شاۋبونىڭ ئىنىسى ليۇ شاۋشۇئەن خىتاي ھۆكۈمىتىنى ئاكىسىنى قويۇپ بېرىشكە چاقىردى

بۇ يىللىق نوبېل تىنچلىق مۇكاپاتى ساھىبى ليۇ شاۋبونىڭ ئىنىسى ليۇ شاۋشۇئەن خىتاي ھۆكۈمىتىنى ئاكىسىنى قويۇپ بېرىشكە چاقىردى.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2010-11-15
ئېلخەت
پىكىر
Share
پرىنت

فرانسىيە ئاگېنتلىقىنىڭ خەۋەر قىلىشىچە، بۇ ليۇ شاۋشۇئەننىڭ تۇنجى قېتىم غەرب مەتبۇئاتلىرىنىڭ زىيارىتىنى قوبۇل قىلىشى ئىكەن.

خەۋەردە نەقىل قىلىشىچە، ليۇ شاۋشۇئەن مۇنداق دېگەن: "مەن مەركىزىي ھۆكۈمەتنىڭ ئاكامنى قويۇپ بېرىشىنى ۋە ئۇنىڭ نوبېل تىنچلىق مۇكاپاتىنى قوبۇل قىلىشىغا يول قويۇشىنى ئۈمىد قىلىمەن. ئەمما، ئۇلار بۇنداق قىلمايدۇ."

ليۇ شاۋشۇئەن يەنە، خىتاي ھۆكۈمىتىنىڭ ئۇرۇق - تۇغقانلىرىنىڭ نوبېل مۇكاپاتىنى تاپشۇرۇپ ئېلىشىغىمۇ رۇخسەت قىلمايدىغانلىقىنى بىلدۈرگەن.

ليۇ شاۋبو خىتاينى قانۇن ئۆزگەرتىشكە چاقىرىپ ئېلان قىلغان "2008 خىتابنامىسى" نىڭ ئاپتورلىرىدىن بىرى. ئۇ، 2009 - يىلى دېكابىردا " دۆلەتنى ئاغدۇرۇش جىنايىتى" بىلەن 11 يىللىق قاماق جازاسىغا ھۆكۈم قىلىنغان ئىدى.

پىكىرلەر (0)
Share
تولۇق بەت