Amérika bilen jenubiy koriye sériq déngizda birleshme manéwir bashlidi

Amérika bilen jenubiy koriyining birleshme herbiy manéwiri yekshenbe küni sériq déngizda bashlandi we mezkur birleshme herbiy manéwirning waqti töt kün bolup, amérika we jenubiy koriye paraxotliri jenubiy koriyining gherbiy qirghiqigha yéqin déngiz tewelikide manéwir qilghan.
Muxbirimiz ümidwar
2010-11-28
Élxet
Pikir
Share
Print

Buninggha amérikining "jorji washin'gton" namliq yadroluq awi'amatkisimu qatnashqan.

Xewerlerde herbiy manéwir bashlan'ghandin kéyin, shimaliy koriye qarshi terepke yéqin jaylargha rakétalarni orunlashturushqa kirishken bolup, jenubiy koriye hökümiti zhurnalistlarni aldinqi sep rayonliridin kétishke chaqirghan.

Shimaliy koriye eger ular shimaliy koriyining déngiz tewelikige tajawuz qilsa, qattiq herbiy zerbe béridighanliqini jakarlighan.

Aldinqi heptide shimaliy koriye jenubiy koriye terepni topqa tutup, ikki herbiy xadimning ölüshini keltürüp chiqarghandin kéyin amérikining "jorji washin'gton" namliq awi'amatkisining sériq déngizdiki manéwirgha qatnishidighanliqi jakarlan'ghan idi.

Toluq bet