Хитай миллий ишлар комитети: милләтләр иттипақлиқи аз санлиқларниң қануни мәнпәәтини қоғдашни чөридәп қанат яйдурулуши керәк

Хитай даирилири йеқинда синалғу йиғини чақирип, җайлар вә алақидар тармақлардин милләтләр иттипақлиқи тәрбийисини аз санлиқларниң қануни мәнпәәтини қоғдашни чөридәп елип беришни тәләп қилған. Милләтләр иттипақлиқи хитай узун йиллардин бери тәкитләп келиватқан һәрикәт болуп, лекин бу һәрикәт өктичи пикирдики кишиләрниң тәнқидигә учрап, униң бир тәрәплимилик иттипақлиқни тәкитләйдиған сиясий шуарға айлинип қалғанлиқи илгири сүрүлгән. Хитайниң бу шуари 2009 - йили үрүмчидә йүз бәргән 5" - июл вәқәси"дә еғир зәрбигә учриған иди.
Мухбиримиз әркин
2010-07-16
Елхәт
Пикир
Share
Принт

Синалғу йиғини хитай мәркизи комитет тәшвиқат бөлүми, бирликсәп бөлүми вә дөләтлик миллий ишлар комитети тәрипидин чақирилған болуп, йиғинда дөләтлик миллий ишлар комитетиниң мудири яң җиңчяң, бу паалийәтни "ислаһат, тәрәққият нәтиҗилиридин һәр милләт аммисини бәһриман қилишни чөридәп қанат яйдуруш, миллий сиясәтни изчиллаштуруш, аз санлиқларниң қануни һоқуқ - мәнпәәтини қоғдашни чөридәп қанат яйдуруш"ни тәкитлигән. Лекин яң йәнә, бу паалийәтни җәмийәт муқимлиқи вә дөләтниң бирликини қоғдашни чөридәп қанат яйдуруш керәкликини илгири сүргән.

Хитай компартийиси вә мәркизи һөкүмити бу йил 5 - айда "шинҗаң хизмәт йиғини " чақирип, уйғур илидә иқтисадниң тәрәққиятини тезлитидиғанлиқини елан қилған. Лекин тәрәққияттин йәрлик хәлқни қандақ бәһримән қилидиғанлиқиға даир конкрет пилан оттуриға қоймиған иди.
Пикирләр (0)
Share
Толуқ бәт