Xitay milliy ishlar komitéti: milletler ittipaqliqi az sanliqlarning qanuni menpe'etini qoghdashni chöridep qanat yaydurulushi kérek

Xitay da'iriliri yéqinda sin'alghu yighini chaqirip, jaylar we alaqidar tarmaqlardin milletler ittipaqliqi terbiyisini az sanliqlarning qanuni menpe'etini qoghdashni chöridep élip bérishni telep qilghan. Milletler ittipaqliqi xitay uzun yillardin béri tekitlep kéliwatqan heriket bolup, lékin bu heriket öktichi pikirdiki kishilerning tenqidige uchrap, uning bir tereplimilik ittipaqliqni tekitleydighan siyasiy shu'argha aylinip qalghanliqi ilgiri sürülgen. Xitayning bu shu'ari 2009 - yili ürümchide yüz bergen 5" - iyul weqesi"de éghir zerbige uchrighan idi.
Muxbirimiz erkin
2010-07-16
Élxet
Pikir
Share
Print

Sin'alghu yighini xitay merkizi komitét teshwiqat bölümi, birliksep bölümi we döletlik milliy ishlar komitéti teripidin chaqirilghan bolup, yighinda döletlik milliy ishlar komitétining mudiri yang jingchyang, bu pa'aliyetni "islahat, tereqqiyat netijiliridin her millet ammisini behriman qilishni chöridep qanat yaydurush, milliy siyasetni izchillashturush, az sanliqlarning qanuni hoquq - menpe'etini qoghdashni chöridep qanat yaydurush"ni tekitligen. Lékin yang yene, bu pa'aliyetni jem'iyet muqimliqi we döletning birlikini qoghdashni chöridep qanat yaydurush kéreklikini ilgiri sürgen.

Xitay kompartiyisi we merkizi hökümiti bu yil 5 - ayda "shinjang xizmet yighini " chaqirip, Uyghur ilide iqtisadning tereqqiyatini tézlitidighanliqini élan qilghan. Lékin tereqqiyattin yerlik xelqni qandaq behrimen qilidighanliqigha da'ir konkrét pilan otturigha qoymighan idi.
Toluq bet