Uyghur rayonida sun'iy milletler ittipaqi teshwiqati élip bérilmaqta

Tengritagh toridin melum bolushiche, Uyghur rayonluq hökümetke qarashliq bolghan tengritagh kino studiyisi yéqinda "ürümchi" namliq kino filimini süretke élishqa bashlighan.
Muxbirimiz irade
2010-10-21
Élxet
Pikir
Share
Print

Igilinishiche, filimning mezmuni xitay hökümiti rayonda teshwiq qilip kéliwatqan milletler ittipaqliqi siyasiti bilen munasiwetlik bolup, filimde "shinjang" qurulghan deslepki mezgillerde Uyghur, xenzu, qazaq, mongghul qatarliq milletlerning bir chong qoroda inaq - ijil, öz - ara yardem bériship birlikte yashighanliqidek menzire bayan qilin'ghan. Tengritagh tori bu filimning "bir milletler ittipaqliqi qesidisi" ikenlikini ilgiri sürgen.

5 - Iyul weqesidin kéyin xitay da'iriliri Uyghur rayonida milletler ittipaqliqi terbiyisini hessilep ashurghan bolsimu, emma radi'omizgha kelgen inkaslar bu xil teshwiqatning eksiche, Uyghurlar bilen xitaylar arisidiki jiddiylikning hélihem peseymigenlikini körsitip bergen idi.

Bu noqtidin qarighanda, xitay da'irilirining ürümchi weqesidin kéyin Uyghur rayonida barliqqa kelgen jiddiy weziyetni ongshash üchün türlük teshwiqat wastilirini ishqa séliwatqanliqi, " ürümchi" filiminingmu del xitay da'iriliri yolgha qoyuwatqan sun'iy teshwiqatning biri ikenliki melum bolmaqta.

Toluq bet