Уйғур аптоном район даирилири аз санлиқ милләт кадирлирини көпәйтидиғанлиқини билдүрди

Уйғур аптоном райониниң партком секретари җаң чүншйән түнүгүн 23- ноябир күни уйғур аптоном районида аз санлиқ милләт кадирлар қошунини кеңәйтиш керәкликини тәкитлигән.
Мухбиримиз миһрибан
2010-11-24
Елхәт
Пикир
Share
Принт

Хитай хәвәрлиридин мәлум болушичә, уйғур аптоном райониниң партком секретари җаң чүншйән түнүгүн 23- ноябир күни үрүмчидә ечилған "милләтләр иттипақлиқи нәмуничилирини тәқдирләш йиғини" да, уйғур аптоном районида аз санлиқ милләт кадирлар қошунини кеңәйтиш керәкликини тәкитлигән.

 Игилигән учурлардин мәлум болушичә , йеқинқи йиллардин буян уйғур аптоном районидики һөкүмәт органлирида ишләватқан уйғурларниң сани барғанчә азлап кәткән. Уйғур биз ториниң хәлқара тор бекитиниң өткән айда елан қилған статистикисидин мәлум болушичә, нөвәттә уйғур аптоном райони дәп атиливатқан уйғур елидә, һөкүмәт кадирлириниң зор көпчилики хитайлардин тәркиб тапқан болуп, уйғур қатарлиқ башқа милләт кадирлириниң игилигән нисбити аран 10% икәнлики, шундақла бу кадирларниң асасән йеза-қишлақлардики асаси қатламларда ишләватқанлар икәнлики ашкариланған.

Бу бирқанчә йилдин буян райондики уйғур қатарлиқ йәрлик милләтләрдики ишсизлиқ мәсилиси вә һөкүмәт органлирида миллий кадирлар азлап кетиштәк тәңсизликкә нисбәтән райондики йәрлик хәлқ болған уйғур һәм башқа милләтләр арисида наразилиқ барғанчә күчийиватқан иди. Җаң чүншйән түнүгүнки сөзидә уйғур аптоном районлуқ һөкүмәтниң бу мәсилигә җиддий қараватқанлиқини әскәртип, өткән айда аптоном район тәвәсидә  назир дәриҗилик кадирлардин 34 нәпириниң ашкара қобул қилинип вәзипигә тәйинлигәнликини, буларниң ичидә 23 нәпириниң хитай болмиған милләтләр икәнликини тәкитлигән.

Толуқ бәт