Uyghur aptonom rayon da'iriliri az sanliq millet kadirlirini köpeytidighanliqini bildürdi

Uyghur aptonom rayonining partkom sékrétari jang chünshyen tünügün 23- noyabir küni Uyghur aptonom rayonida az sanliq millet kadirlar qoshunini kéngeytish kéreklikini tekitligen.
Muxbirimiz mihriban
2010-11-24
Élxet
Pikir
Share
Print

Xitay xewerliridin melum bolushiche, Uyghur aptonom rayonining partkom sékrétari jang chünshyen tünügün 23- noyabir küni ürümchide échilghan "milletler ittipaqliqi nemunichilirini teqdirlesh yighini" da, Uyghur aptonom rayonida az sanliq millet kadirlar qoshunini kéngeytish kéreklikini tekitligen.

 Igiligen uchurlardin melum bolushiche , yéqinqi yillardin buyan Uyghur aptonom rayonidiki hökümet organlirida ishlewatqan Uyghurlarning sani barghanche azlap ketken. Uyghur biz torining xelq'ara tor békitining ötken ayda élan qilghan statistikisidin melum bolushiche, nöwette Uyghur aptonom rayoni dep atiliwatqan Uyghur élide, hökümet kadirlirining zor köpchiliki xitaylardin terkib tapqan bolup, Uyghur qatarliq bashqa millet kadirlirining igiligen nisbiti aran 10% ikenliki, shundaqla bu kadirlarning asasen yéza-qishlaqlardiki asasi qatlamlarda ishlewatqanlar ikenliki ashkarilan'ghan.

Bu birqanche yildin buyan rayondiki Uyghur qatarliq yerlik milletlerdiki ishsizliq mesilisi we hökümet organlirida milliy kadirlar azlap kétishtek tengsizlikke nisbeten rayondiki yerlik xelq bolghan Uyghur hem bashqa milletler arisida naraziliq barghanche küchiyiwatqan idi. Jang chünshyen tünügünki sözide Uyghur aptonom rayonluq hökümetning bu mesilige jiddiy qarawatqanliqini eskertip, ötken ayda aptonom rayon teweside  nazir derijilik kadirlardin 34 nepirining ashkara qobul qilinip wezipige teyinligenlikini, bularning ichide 23 nepirining xitay bolmighan milletler ikenlikini tekitligen.

Pikirler (0)
Share
Toluq bet