Мисирниң йеңи президентиниң хитай зиярити диққәт қозғиди

Әрәб баһари һәрикитидин кейин мисирда мубарәк һакимийити ағдурулуп, йеңидин мисир президенти болуп тәйинләнгән муһәммәд морсиниң хитай зиярити мәтбуатларниң диққитини қозғиди.
Мухбиримиз меһрибан
2012-08-28
Елхәт
Пикир
Share
Принт

Хитайниң шинхуа агентлиқиниң бу һәқтики хәвиридә, хитай дөләт рәиси ху җинтавниң 28-авғуст сәйшәнбә күни мисирниң йеңи президенти муһәммәд мурсини күтүвалғанлиқи хәвәр қилинип, мисир президентиниң бу қетимқи зияритидә хитай билән мисир оттурисида асаси әсләһә қурулушлири, еликтер енергийиси қатарлиқ бир йүрүш иқтисади һәмкарлиқ келишимлири имзалинидиғанлиқи хәвәр қилинди.

Әнглийә б б с агентлиқиниң бүгүнки хәвиридә, мисир һөкүмәт даирилириниң хәвири нәқил елинип, хитайниң мисирға 300 данә сақчи аптомобили сетип беришни билдүргәнлики хәвәр қилинди. Бирләшмә агентлиқиниң бүгүн бу һәқтә бәргән хәвиридә, хитай һөкүмитиниң муһәммәд морсидин мисирда вәзийәтниң муқим болушни үмид қилғанлиқи баян қилинип, хитай һөкүмитиниң әрәб баһари һәрикити тәсиридин әнсирәш ичидә туруватқанлиқи илгири сүрүлди.

Пикирләр (0)
Share
Толуқ бәт