Misirning yéngi prézidéntining xitay ziyariti diqqet qozghidi

Ereb bahari herikitidin kéyin misirda mubarek hakimiyiti aghdurulup, yéngidin misir prézidénti bolup teyinlen'gen muhemmed morsining xitay ziyariti metbu'atlarning diqqitini qozghidi.
Muxbirimiz méhriban
2012-08-28
Élxet
Pikir
Share
Print

Xitayning shinxu'a agéntliqining bu heqtiki xewiride, xitay dölet re'isi xu jintawning 28-awghust seyshenbe küni misirning yéngi prézidénti muhemmed mursini kütüwalghanliqi xewer qilinip, misir prézidéntining bu qétimqi ziyaritide xitay bilen misir otturisida asasi eslehe qurulushliri, éliktér énérgiyisi qatarliq bir yürüsh iqtisadi hemkarliq kélishimliri imzalinidighanliqi xewer qilindi.

En'gliye b b s agéntliqining bügünki xewiride, misir hökümet da'irilirining xewiri neqil élinip, xitayning misirgha 300 dane saqchi aptomobili sétip bérishni bildürgenliki xewer qilindi. Birleshme agéntliqining bügün bu heqte bergen xewiride, xitay hökümitining muhemmed morsidin misirda weziyetning muqim bolushni ümid qilghanliqi bayan qilinip, xitay hökümitining ereb bahari herikiti tesiridin ensiresh ichide turuwatqanliqi ilgiri sürüldi.

Toluq bet