Хитайниң мисирдики әлчиханиси уйғур оқуғучиларни хитайчә сөзләш-йезиш курсиға орунлаштурди

Кәйшйән телевизийисидә берилгән хәвәрдин ашкарилинишичә, хитайниң мисирда турушлуқ баш әлчиханиси мисирда оқуватқан уйғур оқуғучиларни мәхсус «хитай тилида сөзләш-йезиш» бойичә тәрбийиләш курсиға орунлаштурған.
Мухбиримиз ирадә
2012-09-20
Елхәт
Пикир
Share
Принт

2012-Йиллиқ уйғур оқуғучиларни хитай тилда тәрбийиләш курси 9 һәптә давам қилған болуп, 18-сентәбир күни курсниң аяғлишиш мурасими өткүзүлгән. Мурасимда курсқа толуқ қатнишип бәргән 9 оқуғучи мукапатланған.

Мурасимда йәнә, хитайниң мисирда турушлуқ әлчиханисиниң маарипқа мәсул дипломати ху венҗе сөз қилип, мисирда оқуватқан уйғур оқуғучиларға «хитай тилини яхши өгинип, вәтәнгә қайтип хизмәт қилип, дөләтниң яхшилиқиға җаваб қайтуруңлар» дәп чақириқ қилған.

Улар йәнә, хитайчиниң һазир дунядики муһим тилларниң бири икәнликини, хитайчә өгинишниң оқуғучиларниң риқабәттә үстүнлүкни игилишигә пайдилиқ болидиғанлиқини әскәрткән. Әмма уйғур көзәткүчиләр болса курсниң оқуғучиларниң талантини өстүрүштин бәк, уларни контрол қилиштәк сиясий мәқсәткә игиликигә ишиниду.

Чүнки, хитай даирилири 2009-йили үрүмчи вәқәси йүз бәргәндин кейин алди билән мисир кейин түркийә, японийә қатарлиқ уйғур оқуғучилар мәркәзлик оқуватқан әлләрдә бирдинла «шинҗаңлиқ вәтәнпәрвәр оқуғучилар» дәйдиған аталғуни чиқирип, наһайити аз миқдардики символ характерлик оқуш мукапат пули тәсис қилған вә әлчиликләрдә түрлүк паалийәтләрни уюштуруш арқилиқ оқуғучи балиларни әлчихана билән қоюқ алақә орнитишқа үндигән.

Хитайниң бу һәрикити болса чәтәлләрдики уйғур тәшкилатлири вә уйғур оқуғучиларни биарам қиливатқан болуп, бәзи оқуғучилар, хитай даирилириниң уйғур оқуғучиларниң һәрикәтлирини контрол қилишқа урунуватқанлиқи вә уйғурлар арисиға бөлгүнчилик салмақчи болуватқанлиқидин шикайәт қилған иди.

Пикирләр (0)
Share
Толуқ бәт