Moskwada yéngi quruliwatqan xitay malliri bazirigha qarshi namayish ötküzüldi

Moskwada quruliwatqan bir xitay malliri soda baziri moskwa ahalisining qattiq naraziliqigha uchrimaqta. Aldinqi küni moskwada, bu soda bazirigha qarshi keng kölemlik bir namayish ötküzülgen.
Muxbirimiz shohret hoshur
2009-12-22
Élxet
Pikir
Share
Print

Namayishta mezkur bazarning qurulushining bikar qilinishi jiddiy halda telep qilin'ghan. Uning aldida yene bir xitay malliri baziri, etraptiki ahalilerning teliwige bina'en taqiwétilgen؛ buning bilen  bu bazardiki bir qisim xitay tijaretchiler yurtigha qaytip ketken؛ bir qismi moskwa soda sariyi qatarliq chong merkizi bazarlargha köchüp kirgen؛ yene bir qism sodigerler üchün bashqa orundin yéngidin bazar sélinmaqta idi.

Moskowaliqilarning xitay malliri bazirigha qarshi turushi, xitay tijaretchilerning muhit taziliqigha étiwar bermesliki, top mal tarqitidighan kona qatnash qorallirining tézdin köpiyip kétishi qatarliq muhit güzellikige qarita buzghunchiliqi asasliq sewep bolghan. Buningdin bashqa yene xitay malliri bazirining kéngiyip kétishi shu rayondiki yénik sanat karxanilirining taqilip kétishi, ishsizliqning köpiyishi qatarliq mesilerni peyda qilghan.

Shunga ötken hepte bir türküm kishiler prézidént wiladimir putin'gha ochuq xet yézip, xitay malliri we xitay tijaretchilerning moskwada köpiyip kétishini chekleshni telep qilghan. Ochuq xette, xitay tijaretchilerge qarita haqaret menisidiki sözlermu qollinilghan.

Aldinqi künki namayishta, qattiq qar yéghiwatqinigha qarimay, köp sanda kishi namayishqa ishtirak qilghan.

Toluq bet