'Muhebbetning 10 sherti' jakarta xelq'ara filim féstiwalida qoyulidu

Héndonéziyining jakarta shehiride chiqidighan 'yer shari xewerliri' ning 12 ‏- ayning 1 ‏- künidiki sanida bayan qilinishiche, hindonéziyide 12 ‏- ayning 4 ‏- küni bashlinidighan xelq'ara filim féstiwalida qoyulidighan dangliq filimlerning biri, bu yil 7 ‏- ayda awstraliyining mélbornda échilghan xelq'ara filim féstiwalida qoyulghan 'muhebbetning 10 sherti' namliq Uyghur rehbiri rabiye qadir xanimning sergüzeshtiliri heqqide ishlen'gen höjjetlik filim dep körsitildi.
Muxbirimiz weli
2009-12-02
Élxet
Pikir
Share
Print

Xewerde bayan qilinishiche, 'muhebbetning 10 sherti'ni mélbornda échilghan filim féstiwalida qoyush qarar qilin'ghanda, xitay hökümiti qattiq qarshi turghan, shu sewebtin hetta féstiwalgha tallan'ghan xitay filimlirini qayturup ketken. Emma bu qétim xitayning héndonéziyidiki elchixanisi téxiche buninggha qarita inkas qayturmighan.

Jakarta filim féstiwalini uyushturghuchilarning biri bolghan na'wal ependining éytishiche, bu qétim jakarta xelq'ara filim féstiwaligha tallan'ghan dangliq filimlerning her qandaq bir hökümetning siyasiylashturuwélishigha ruxset qilinmaydiken.

Toluq bet