Shimaliy koriye "muqeddes urush" qa teyyar ikenlikini bildürdi

Shimaliy koriye mudapi'e ministiri kim yung chün bügün qilghan sözide, shimaliy koriyining yadro bombiliri arqiliq bir meydan "muqeddes urush" qa teyyar ikenlikini bildürdi.
Muxbirimiz irade
2010-12-23
Élxet
Pikir
Share
Print

B b s ning xewer qilishiche, kim yung chün sözide jenubiy koriyining chégrada intayin yéqin jaylarda urush manéwiri élip bériwatqanliqini, buning shimaliy koriyige jeng élan qilish bolup hésablinidighanliqini éytqan.

Jenubiy koriye hazir shimalning chégrasigha 20 kilométir kélidighan rayonda bu yil ichidiki 48- qétimliq shundaqla tarixidiki eng zor bir qétimliq herbiy manéwirini élip barmaqta. Gerche shimaliy koriye terep ilgiriki bayanatlirida buni bir ighwagerchilik dep atighan bolsimu, emma uninggha qayturma zerbe béridighanliqini tilgha almighan idi.

Ikki koriye arisidiki weziyet noyabirda shimaliy koriyining jenubiy koriyining arilini topqa tutup, 4 kishining ölümige seweb bolushi bilen téximu keskinliship ketken. Jenubiy koriye dölet bashliqi shimaliy koriye eger oxshash ehwalni qayta sadir qilsa, jenubiy koriyining buninggha rehimsizlerche jawab qayturidighanliqini bildürgen idi.

Bügün xitay tashqi ishlar ministirliqi ikki koriyini özini bésiwélishqa, mesilini tinch yol bilen hel qilishqa chaqirdi.

Toluq bet