Xelq'ara muxbirlar birleshmisi xitaydiki axbarat erkinlikining dawamliq boghuluwatqanliqini körsetti

Xelq'ara muxbirlar birleshmisining 30-yanwar küni xongkongda élan qilghan bu yilliq doklatida xitayning ötken yili "dölet mexpiyetlik qanuni" gha özgertish kirgüzüp, intérnét alaqilirini nazaret qilish da'irisi ichige kirgüzgenliki, muxbirlarni tizimlash tüzümidiki tor axbarati muxbirliqini bikar qilish arqiliq intérnét uchurchiliqining xitaydiki tereqqiyatigha tosqunluq qiliwatqanliqi körsitilgen.
Muxbirimiz ümidwar
2011-01-30
Élxet
Pikir
Share
Print

B b s agéntliqining xewer qilishiche, doklatta xitay kompartiyisi merkiziy komitét teshwiqat bölümi we her qaysi ölke derijilik teshwiqat bölümlirining bir qatar oxshimighan mesililer boyiche uchur élan qilish cheklimilirini chiqarghanliqi bayan qilin'ghan.

Doklatta yene nobél tinchliq mukapatining érishküchisi lyu shawboning a'ile-tawabi'atlirining mukapatni élishigha yol qoymighanliqimu otturigha qoyulghan.

Xelq'ara muxbirlar birleshmisining mezkur doklatida yene muxbir gheyret niyazning 2009-yilidiki ürümchi weqesi munasiwiti bilen chet'el muxbirlirining ziyaritini qobul qilghanliqi üchün 15 yilliq qamaq jazasigha höküm qilin'ghanliqimu misal qilip, körsitilgen.

Bulardin bashqa yene bir qisim gézit muxbirlirining saqchilar teripidin tutush buyruqi chiqirilghanliqi yaki qorqutulghanliqimu körsitilgen.

Toluq bet