Нобил мукапатиниң заседатиллири хитай сәпиридә пара елиш билән әйибләнди

Нобил мукапат җәмийити баһалаш һәйити 2006 ‏ - вә 2008 ‏ - йиллири хитайда елип барған зияритидә хитай даирилириниң сәпәр чиқимини көтүрүветишигә йол қойғанлиқи вә хитайлар билән мукапат үстидә музакирә елип барғанлиқи сәвәблик пара елиш билән әйиблинишкә дуч кәлди.
Мухбиримиз әркин
2008-12-19
Елхәт
Пикир
Share
Принт

Норвегийә әдлийә даирилириниң ашкарилишичә, норвегийә тәптиш әмәлдари бу мәсилә үстидә тәкшүрүш елип беришқа башлиған. Тәптиш әмәлдари нилс - әрик шултиз бирләшмә агентлиқиға бәргән бу һәқтики баянатида бу зиярәтләр нобил комитетиниң шу йилқи лауриятларни бекитиш қарариға қанчилик тәсир көрсәткәнликини ениқлайдиғанлиқини билдүргән.

Йеқинда шветсийидики бир радио истансиси нобил җәмийитиниң тибабәтчилик, химийә вә физика баһалаш комитетидики 3 нәпәр баһалаш һәйитиниң хитайға тәклип қилинип, лауриятларниң қандақ таллинидиғанлиқи үстидә мәлумат алғанлиқини хәвәр қилған.

Баһалаш һәйәтлириниң айропилан белити, туралғу вә йемәк ‏ - ичмәклирини хитай даирилири үстигә алған иди. Хәвәрләргә қариғанда, әгәр һәйәтләрниң һәрикитиниң пара елишқа ятидиғанлиқи испатланса уларға җәриманә қоюлуши яки улар көп болғанда 2 йилға қәдәр қамақ җазасиға һөкүм қилиниши мумкин.

Шветсийә хан җәмәти пәнләр академийисиниң секретари гуннар окюст, һәйәтләрниң хитай зияритиниң тоғра болмиғанлиқини илгири сүргән.

Пикирләр (0)
Share
Толуқ бәт