Nobil mukapatining zasédatilliri xitay sepiride para élish bilen eyiblendi

Nobil mukapat jem'iyiti bahalash hey'iti 2006 ‏ - we 2008 ‏ - yilliri xitayda élip barghan ziyaritide xitay da'irilirining seper chiqimini kötürüwétishige yol qoyghanliqi we xitaylar bilen mukapat üstide muzakire élip barghanliqi seweblik para élish bilen eyiblinishke duch keldi.
Muxbirimiz erkin
2008-12-19
Élxet
Pikir
Share
Print

Norwégiye edliye da'irilirining ashkarilishiche, norwégiye teptish emeldari bu mesile üstide tekshürüsh élip bérishqa bashlighan. Teptish emeldari nils - erik shultiz birleshme agéntliqigha bergen bu heqtiki bayanatida bu ziyaretler nobil komitétining shu yilqi la'uriyatlarni békitish qararigha qanchilik tesir körsetkenlikini éniqlaydighanliqini bildürgen.

Yéqinda shwétsiyidiki bir radi'o istansisi nobil jem'iyitining tibabetchilik, ximiye we fizika bahalash komitétidiki 3 neper bahalash hey'itining xitaygha teklip qilinip, la'uriyatlarning qandaq tallinidighanliqi üstide melumat alghanliqini xewer qilghan.

Bahalash hey'etlirining ayropilan béliti, turalghu we yémek ‏ - ichmeklirini xitay da'iriliri üstige alghan idi. Xewerlerge qarighanda, eger hey'etlerning herikitining para élishqa yatidighanliqi ispatlansa ulargha jerimane qoyulushi yaki ular köp bolghanda 2 yilgha qeder qamaq jazasigha höküm qilinishi mumkin.

Shwétsiye xan jemeti penler akadémiyisining sékrétari gunnar okyust, hey'etlerning xitay ziyaritining toghra bolmighanliqini ilgiri sürgen.

Toluq bet