Xitayning sabiq norwégiye bash ministirigha wiza bermesliki norwégiyini heyran qaldurdi

Xitaydiki bir dini ishlar yighinigha qatnishish üchün wizigha iltimas qilghan sabiq norwégiye bash ministiri kéjel bondowékke xitay da'iriliri wiza bérishni ret qildi.
Muxbirimiz irade
2012-06-12
Élxet
Pikir
Share
Print

Birleshme agéntliqining xewer qilishiche, xitayning bu herikiti uning norwégiyige 2010-yilidiki nobél mukapatidin qepqalghan "Qorsaq köpüki" bilen munasiwetlik iken. Shu yili norwégiyidiki nobél mukapati komitéti xitayning küchlük qarshiliq bildürüshige qarimay, xitay türmiside "Döletni parchilashqa urundi" dégen jinayet bilen jaza mudditi ötewatqan öktichi yazghuchi lyu shawboni nobél tinchliq mukapatigha layiq körgen idi.

Eyni chaghda ikki dölet arisida diplomatik krizisqa seweb bolghan bu mesilining hala bügünki kün'ge qeder dawamlishishi, yene kélip 2005-yili bash ministirliq wezipisini tamamlap bolghan bir sabiq bashliqning xitay wizisi élishining ret qilinishi norwégiye da'irilirini qattiq epsuslandurghan. Ular "Bu qarar bizni hem qattiq heyran qaldurdi hem qattiq epsuslandurdi" dégen.

Fransiye agéntliqining xewer qilishiche, bu xewer norwégiye metbu'atlirida keng inkas qozghighan. Sabiq bash ministir bu heqtiki bayanatida "Menche bu tesiri yaxshi bolmighan bir ish. Bu peqet xitayning ikki yil awwalqi ishqa nisbeten hazirghiche öz meydanini körsetmekchi boluwatqanliqini ispatlap béridu, xalas" dégen.

Xitayning oslodiki elchixanisi muxbirlarning bu heqtiki so'allirini jawabsiz qaldurghan.

Toluq bet