Nur bekri béyjingda özige ot qoyghan üzbéklerni eyiblidi

Xitayning Uyghur aptonom rayon re'isi nur bekri ikki chong yighinda söz qilip, tyen'enmén meydani etrapida özige ot qoyghan üch kishini eyiblidi.
Muxbirimiz weli
2009-03-07
Élxet
Pikir
Share
Print

Birleshme agéntliqining bügün béyjingdin bayan qilishiche, béyjingda nur bekri bügün muxbirlargha, 25‏ - féwral küni béyjingdiki wangfujing kochisining tyen'enmén meydanigha kiridighan doqmushida özige ot qoyghan üch kishini 'öyini chéqip mektep salghan'gha narazi bolup, hökümettin sewebsiz tölem telep qildi, yolsizliq qildi' dep eyiblidi.

B b s ning bayan qilishiche, nur bekri özige ot qoyghan kishini özbék, ismi hoshur memet, bu a'ilide 4 jan bolup, uning üchi méyip, u 2002 ‏ - yilidin bashlapla yuqirigha erz sunup kelgen idi, béyjingda pikap ichide olturup özige ot qoyghan üch kishi del mushu a'ilining üch adimi, ular neq meydandila qutquzuwélindi, hazir üchilisi hayat, belki alliqachan ayropilan bilen ürümchige qayturup kétildi, dégen.

Shinxu'a agéntliqimu bu heqte élan qilghan xewiride özige ot qoyghan kishini eyiblep 'hökümet alliqachan 400 ming yüen tölem bergen bolsimu, emma ular yenila hökümettin epu sorashni, xizmet bérishni, hetta hökümet üstidin erz qilghan chiqimlarnimu tölep bérishni telep qilip yolsizliq qilip kelmekte' dégen.


Toluq bet