Обама һөкүмити гуәнтанамо уйғурлириниң алий сотқа сунулған әрзини бикар қилиш һәққидә америка алий сотиға тәклип бәрди

Шветсарийә федератсийиси гуәнтанамодики уйғурлардин икки нәпирини қобул қилидиғанлиқини билдүргәндин кейин, обама һөкүмити гуәнтанамо уйғурлириниң алий сотқа сунулған әрзини бикар қилиш һәққидә америка алий сотиға тәклип бәрди.
Мухбиримиз җумә
2010-02-06
Елхәт
Пикир
Share
Принт

2008 - Йили өктәбирдә, америка вашингтон районлуқ сотниң сотчиси рикардо урбина гуәнтанамода ешип қалған 17 нәпәр уйғурниң һәммисини америкиға йәрләштүрүш тоғрисида һөкүм чиқарған иди. Кейин, әйни вақиттики бош һөкүмити америка оттура сотиниң гуәнтанамо уйғурлирини америкиға қоюп бериш һоқуқи йоқлуқини көрситип, америка әрзийәт сотиға әрз йоллиған вә сотта утқан иди.

Нәтиҗидә гуәнтанамо уйғурлириниң адвокатлири бу һәқтә америка алий сотиға әрз йоллиған вә бу һәқтики сотниң пат арида ечилидиғанлиқини илгири сүрүшкән иди.
 
Шу җәрянда, 2007 - йили өктәбирдә делоси қарап чиқилип америкиға қоюп беришкә буйрулған бу уйғурларниң 4 нәпири бермудиға 6 нәпири палавға йәрләштүрүлди. Униңдин башқа өткән чаршәнбә күни шветсарийә һөкүмити гуәнтанамода қелип қалған 7 нәпәр уйғурниң 2 нәпирини қобул қилидиғанлиқини җакарлиди.

Бирләшмә агентлиқида көрситилишичә, америка һөкүмити җүмә күни алий сотқа материял йоллап, яки бу әрзни бикар қилиш яки болмиса америка әрзийәт сотиниң қарарини күчкә игә қилиши керәкликини тәләп қилған.

 
Пикирләр (0)
Share
Толуқ бәт