Obama hökümiti gu'entanamo Uyghurlirining aliy sotqa sunulghan erzini bikar qilish heqqide amérika aliy sotigha teklip berdi

Shwétsariye fédératsiyisi gu'entanamodiki Uyghurlardin ikki nepirini qobul qilidighanliqini bildürgendin kéyin, obama hökümiti gu'entanamo Uyghurlirining aliy sotqa sunulghan erzini bikar qilish heqqide amérika aliy sotigha teklip berdi.
Muxbirimiz jume
2010-02-06
Élxet
Pikir
Share
Print

2008 - Yili öktebirde, amérika washin'gton rayonluq sotning sotchisi rikardo urbina gu'entanamoda éship qalghan 17 neper Uyghurning hemmisini amérikigha yerleshtürüsh toghrisida höküm chiqarghan idi. Kéyin, eyni waqittiki bosh hökümiti amérika ottura sotining gu'entanamo Uyghurlirini amérikigha qoyup bérish hoquqi yoqluqini körsitip, amérika erziyet sotigha erz yollighan we sotta utqan idi.

Netijide gu'entanamo Uyghurlirining adwokatliri bu heqte amérika aliy sotigha erz yollighan we bu heqtiki sotning pat arida échilidighanliqini ilgiri sürüshken idi.
 
Shu jeryanda, 2007 - yili öktebirde délosi qarap chiqilip amérikigha qoyup bérishke buyrulghan bu Uyghurlarning 4 nepiri bérmudigha 6 nepiri palawgha yerleshtürüldi. Uningdin bashqa ötken charshenbe küni shwétsariye hökümiti gu'entanamoda qélip qalghan 7 neper Uyghurning 2 nepirini qobul qilidighanliqini jakarlidi.

Birleshme agéntliqida körsitilishiche, amérika hökümiti jüme küni aliy sotqa matériyal yollap, yaki bu erzni bikar qilish yaki bolmisa amérika erziyet sotining qararini küchke ige qilishi kéreklikini telep qilghan.

 
Toluq bet