Frank wolf: ' obama hökümiti wediside turmidi'

Amérika dölet mejlisi ezasi frank wolf (Frank Wolf) yéqinda, obama hökümitining bu nöwetlik birleshken döletler teshkilati kishilik hoqoq kéngishining xitay qatarliq döletlerning kishilik hoqoq xatirisini tekshürüsh yighinigha qatnashmighanliqini qattiq eyiblidi.
Muxbirimiz gülchéhre
2009-02-17
Élxet
Pikir
Share
Print

9 ‏ - Féwral küni frank wolf kéngesh palatasida sözligen sözide, xitay, kuba, se'udi we rusiye qatarliq döletlerni dunyadiki insan heqlirini eng éghir depsende qiliwatqan döletler dep atighan we amérikining birleshken döletler teshkilatining mezkur döletlerning kishilik hoquq xatirisini qerellik tekshürüshide sükütte turghanliqidin intayin ümidsizlen'genlikini ipadiligen.

U, "obama hökümiti kishilik hoqoq mesilisini dölet siyasitining eng aldigha qoyidighanliqini bildürgen idi, epsus birleshken döletler teshkilati yighinida sükütte turushi obama hökümitining öz wedisige muxalip " dégen.
 
Dölet mejlis ezasi frank wolf yene, obama hökümitining bu passip herikitidin qattiq ümidsizlen'genlikini ipadilep, amérika tashqi ishlar ministiri héllariy kélinton'ghimu mektüp yollighan we mektübida, amérika xitayni 1999 - yilidin buyan kishilik hoqoq jehette alahide közitilidighan döletler qatarigha kirgüzgen bolsimu, emma amérikining bu nöwet sükütte turghanliqidin epsuslan'ghanliqini otturigha qoyghan.

Frank wolf, kishilik hoquq mesilisi jehette xitayni eng qattiq eyiblep kéliwatqan shundaqla Uyghurlar mesilisige yéqindin köngül bölüp kéliwatqan amérika d'ölet mejlisi ezalirining biri.

Asiya döletlirige qarita ziyaritini bashlighan kilnton xanim, aldinqi künide bu qétim xitay ziyaritide kishilik hoquq jehette xitaygha yenila bésim ishlitidighanliqini tekitligen idi.


Toluq bet