Муһәббәтниң он шәрти аяллар күни мунасивити билән канададики йорк университетида қоюлиду

Рабийә қадир ханимниң һаяти тонуштуруп ишләнгән «муһәббәтниң он шәрти» намлиқ филим 8-март хәлқара аяллар күни мунасивити билән канаданиң йорк университетида қоюлмақчи.
Мухбиримиз ирадә
2011-03-03
Елхәт
Пикир
Share
Принт

Йорк университетиниң чаршәнбә күни чиқарған еланидин мәлум болушичә, хәлқара аяллар күни мунасивити билән елип берилидиған хатириләш паалийитини йорк университети вә хәлқара кәчүрүм тәшкилати бирликтә уюштурған болуп, паалийәттә дунядики аялларниң мәсилилири, инсан тиҗарити мәсилиси вә кишилик һоқуқ мәсилилиригә аит мәзмунлар сунулидикән.

Паалийәт җәрянида «муһәббәтниң он шәрти» намлиқ филимму қоюлидиған болуп, филим һәққидә берилгән тонуштурушта «муһәббәтниң он шәрти, өз вәтинини шәрқий түркистан дәп атайдиған уйғур хәлқиниң һоқуқи үчүн күрәш қиливатқан бир аял тонуштурулған бир филим. Рабийә қадир ханим 6 йилини хитай түрмилиридә өткүзгән. У нобел тинчлиқ мукапатиға намзат көрситилгән» дәп йезилған.

Игилинишичә, канададики йорк университети һәр йили 8-мартта аяллар күни мунасивити билән аяллар һоқуқи, улар йолуқуватқан мәсилиләр вә шундақла уни һәл қилишниң йоллирини тема қилған һалда паалийәт өткүзүп кәлгән болуп, рабийә қадир ханимниң филими 8-март күни чүштин кейин саәт 5:30 да университет паалийәт мәркизидә қоюлидикән.

Пикирләр (0)
Share
Толуқ бәт