Өзбекистан хитайға тәбиий газ йәткүзүшкә башлиди

Өзбекистан дөләтлик хәвәр агентлиқи «уза» чаршәнбә күнидики хәвиридә өзбекистанниң хитайға тәбиий газ йәткүзүшкә башлиғанлиқини елан қилди.
Мухбиримиз ирадә
2012-09-13
Елхәт
Пикир
Share
Принт

Бу тәбиий газ тошуш 8-айда башлинип болған болсиму, әмма өзбек даирилири чаршәнбә күни өзбекистан президенти ислам керимоф билән хитай муавин баш министири хуй ляңйү арисида елип берилған рәсмий учришишни хәвәр қилғанда мәзкур мәсилини тилға алған.

Бирләшмә агентлиқи бу һәқтики хәвиридә, өзбек тәбиий газ тиҗаритини бүгүнки күнләргә қәдәр русийиниң газпром ширкити контрол қилип келиватқанлиқини әскәртип, буниң русийә үчүн анчә яхши хәвәр әмәсликини билдүргән.

Енергийигә болған еһтияҗи күнсайин ешип бериватқан хитай һазир мол енергийә записиға игә оттура асия әллиридин нефит вә тәбиий газ йөткәш қәдимини тезлитиш үчүн туруба йоллири қурулушини кеңәйтмәктә.

Ғәрбниң газини шәрққә йәткүзүш қурулуш пилани бойичә һазирғичә 2 линийә ишқа кириштүрүлүп болди. Түркмәнистандин башлинип, уйғур ели арқилиқ фуҗйән өлкисигә тутушидиған 3-линийә қурулуши 2 йил ичидә пүттүрүлмәкчи.

Өзбек хәвәр агентлиқи өз хәвиридә, 3-линийә пүтүп ишқа киришкән тәқдирдә, өзбекистан вә хитайдин ибарәт икки дөләт арисидики нефит вә тәбиий газ тиҗаритиниң көзгә көрүнәрлик дәриҗидә ашидиғанлиқини билдүргән.

Пикирләр (0)
Share
Толуқ бәт