Xitay soti ikki neper tibetlikni "Bashqilarni özini köydürüshke küshkürtüsh" bilen jazalidi

Xitay sot da'iriliri peyshenbe küni ikki neper tibetlikke "Bashqilarni özini köydürüshke küshkürtüsh" dégen jinayetni artip, éghir jazalargha höküm qildi.
Muxbirimiz irade
2013-01-31
Élxet
Pikir
Share
Print

Sichüenning aba rayonluq sot mehkimisi peyshenbe künidiki sot netijiside, 40 yashliq lorang konkokni ikki yil kéchiktürüp ijra qilinidighan ölüm jazasigha, 31 yashliq lorang séringni 10 yilliq qamaq jazasigha höküm qildi.

Birleshme agéntliqining bildürüshiche, xitay hökümiti weqege qattiq inkas qayturush arqiliq bundaq heriketning téximu köp yüz bérishining aldini almaqchi bolghan. Chünki da'iriler rayonda qattiq tedbirlerni élishigha qarimay, tibetliklerning özini köydürüsh arqiliq hökümetke naraziliq bildürüshini tosup qalalmighan idi.

Bügün xitay tashqi ishlar bayanchisi xung léy weqe heqqidiki bayanatida ikki neper tibetlikning gunahsiz kishilerni özini köydürüshke mejburlighanliqini ilgiri sürüp "Biz bu sot netijisi arqiliq xelq'ara jama'etning dalay lama guruhidikilerning jinayetlirini ochuq körüwélishini ümid qilimiz" dégen.

Xitay da'iriliri bu heriketni dalay guruhidikilerning küshkürtüwatqanliqini ilgiri sürüp mes'uliyettin özini qachurup keldi. Emma tibetler weqege xitay hökümitining tibetler üstidin yürgüzüwatqan siyasitining seweb boluwatqanliqini bildürmekte.

Toluq bet