Пакистан армийиси 12 - айғичә талибанларни қоғлайдиғанлиқини билдүрди

Америка авазиниң хәвәр қилишичә, пакистан ташқи ишлар министири курәши пакистан қошунлириниң җәнубий вәзиристанда елип бериватқан һәрбий һәрикәтлириниң оңушлуқ болуватқанлиқини, бу йил 12 - айғичә қалдуқ талибан күчлирини афғанистан - пакистан чегрисидики җайлардин қоғлап чиқиридиғанлиқини тәкитлигән.
Мухбиримиз үмидвар
2009-11-01
Елхәт
Пикир
Share
Принт

Пакистан һәрбий тәрәп өзлириниң өткән бир соткида 24 нәпәр талибанни өлтүргәнлики вә икки пакистан әскириниң өлгәнликини мәлум қилған. Улар йәнә, өзбек қораллиқ гурупплирини асас қилған талибан истиһкамлирини игилигәнликини хәвәр қилған.

Бирақ пакистан тәрәп уруш башлиғандин тартип, мухбирларниң җәң болуватқан йәрләргә келишини чәклигән. Бундақ әһвал астида пакистан һөкүмәт вә һәрбий тәрәпниң мәлуматлириниң ишәнчилик дәриҗиси төвән болған.

Алдинқи һәптиләрдә өзбекистан ислам һәрикити тәшкилатиниң башлиқи таһир йолдашниң өлтүрүлгәнлики хәвәр қилинған болсиму, бирақ бу йәнила гуман қозғиған иди.

Пикирләр (0)
Share
Толуқ бәт