Рабийә қадир ханим бүгүн пакистандики уйғурларға телефон йиғини ечип, уларни пакистан қанунлиридин пайдилинип һоқуқини қоғдашқа чақирди

Дуня уйғур қурултийи рәиси рабийә қадир ханим җүмә күни пакистандики уйғур паалийәтчилиригә телефон йиғини ечип, уларни пакистан қанунлиридин пайдилинип вәтәндашлиқ һоқуқини қоғдашқа, уйғурларниң әһвалини пакистан хәлқигә чүшәндүрүшкә чақирған.
Мухбиримиз әркин
2011-07-15
Елхәт
Пикир
Share
Принт

Пакистандики уйғур аммиви тәшкилатлиридин өмәр вәхпиниң мәсуллири өмәрҗан вә әкбәрҗан ака-укилар пакистан ички ишлар министирлиқи даирилири тәрипидин учуши чәкләнгән кишиләр тизимликигә киргүзүп, йеқинда айропиландин чүшүрүветилгән иди.

Пакистан даирилири хитай әлчиханисиниң тәлипигә асасән уларни тизимликкә киргүзгәнликини илгири сүргән һәм хитай әлчиханисидин хәт елип кәлсә, тизимликтин өчүрүлидиғанлиқини билдүргән.

Өмәрҗан, әкбәрҗән ука-укилар буниңға наразилиқ билдүрүп, сот мәһкимисигә әрз сунған иди.

Сот мәһкимиси җүмә күни уларниң әрзини аңлиған вә пакистан ички ишлар министирлиқи даирилирини дүшәнбә күни сот мәһкимисигә келип чүшәнчә беришкә буйруған.

Равалпиндидики уйғурларға ечилған телефон йиғини дәл сот ечилған күни чақирилған иди. Рабийә ханим йиғилиш, өзини ипадиләш, саяһәт қилиш, тәшкилат қуруш һоқуқиниң хәлқара җәмийәт бирдәк етирап қилған универсал һәқ-һоқуқ икәнликини, буниң пакистан қанунлиридиму етирап қилинғанлиқини әскәртип, хитайниң бу һоқуққа дәхли-тәруз қилғанлиқини вә пакистан даирилириниң буниңға йешил чирағ йеқип бәргәнликини тәнқидлигән.

Уларниң, пакистан қанунлиридин пайдилинип вәтәндашлиқ һоқуқиға һөрмәт қилишни тәләп қилиш вә бу йолда зөрүр қануни дәва-дәстурларда болуш һоқуқи барлиқини билдүргән.

Пикирләр (0)
Share
Толуқ бәт