Rabiye qadir xanim bügün pakistandiki Uyghurlargha téléfon yighini échip, ularni pakistan qanunliridin paydilinip hoquqini qoghdashqa chaqirdi

Dunya Uyghur qurultiyi re'isi rabiye qadir xanim jüme küni pakistandiki Uyghur pa'aliyetchilirige téléfon yighini échip, ularni pakistan qanunliridin paydilinip wetendashliq hoquqini qoghdashqa, Uyghurlarning ehwalini pakistan xelqige chüshendürüshke chaqirghan.
Muxbirimiz erkin
2011-07-15
Élxet
Pikir
Share
Print

Pakistandiki Uyghur ammiwi teshkilatliridin ömer wexpining mes'ulliri ömerjan we ekberjan aka-ukilar pakistan ichki ishlar ministirliqi da'iriliri teripidin uchushi cheklen'gen kishiler tizimlikige kirgüzüp, yéqinda ayropilandin chüshürüwétilgen idi.

Pakistan da'iriliri xitay elchixanisining telipige asasen ularni tizimlikke kirgüzgenlikini ilgiri sürgen hem xitay elchixanisidin xet élip kelse, tizimliktin öchürülidighanliqini bildürgen.

Ömerjan, ekberjen uka-ukilar buninggha naraziliq bildürüp, sot mehkimisige erz sun'ghan idi.

Sot mehkimisi jüme küni ularning erzini anglighan we pakistan ichki ishlar ministirliqi da'irilirini düshenbe küni sot mehkimisige kélip chüshenche bérishke buyrughan.

Rawalpindidiki Uyghurlargha échilghan téléfon yighini del sot échilghan küni chaqirilghan idi. Rabiye xanim yighilish, özini ipadilesh, sayahet qilish, teshkilat qurush hoquqining xelq'ara jem'iyet birdek étirap qilghan uniwérsal heq-hoquq ikenlikini, buning pakistan qanunliridimu étirap qilin'ghanliqini eskertip, xitayning bu hoquqqa dexli-teruz qilghanliqini we pakistan da'irilirining buninggha yéshil chiragh yéqip bergenlikini tenqidligen.

Ularning, pakistan qanunliridin paydilinip wetendashliq hoquqigha hörmet qilishni telep qilish we bu yolda zörür qanuni dewa-desturlarda bolush hoquqi barliqini bildürgen.

Toluq bet