Xitay hökümiti poyiz soqulup kétish weqesining sewebini xelq ammisidin yoshurmaqta

Xitay hökümiti seyshenbe küni uqturush tarqitip, 2 ay boyiche tömür yol bixeterlikining retke sélinidighanliqini élan qildi. Uqturush aldinqi küni ningbo-winju yuqiri sür'etlik tömür yolida poyiz soqulup kétish weqesi yüz bergendin kéyin chiqirilghan bolup, weqede 39 kishi ölüp, 200 din artuq kishi yarilan'ghan idi.
Muxbirimiz irade
2011-07-26
Élxet
Pikir
Share
Print

B b s ning xewer qilishiche, 25-chésla kéchide shu qétimliq poyiz soqulup kétish hadisiside ziyankeshlikke uchrighuchilarning a'ile tawabi'atliri wénju sheherlik hökümet aldida olturuwélip, da'irilerdin weqening sewebini éniq tapshurushni telep qilghan.

Ular, weqe yüz bérip uzun ötmeyla qutquzush xizmitining toxtitilghanliqini bildürüp, hökümet da'irilirini insan hayatini nezerge ilmasliq bilen eyibligen. Namayish jeryanida ular "Adalet qéni, döletni qanun bilen idare qilimiz dégini qéni" dep sho'ar towlighan.

Birleshme agéntliqining xewer qilishiche, xitay da'iriliri weqening sewebige da'ir uchurlarni qattiq qamal qilish we muxbirlarning öz aldigha tekshürüsh élip bérishini cheklesh heqqide uqturush tarqatqan.

Xitay tömür yol idarisining bashliqi muxbirlarning néme üchün aldidiki poyiz toxtap qalghanda, arqidin kéliwatqan poyizgha uqturush qilinmighanliqi heqqidiki so'alini jawabsiz qaldurghan.

Nöwette, xitay da'irilirining weqe heqqidiki uchurlarni qamal qilip, weqening sewebi we uning jawabkarliri heqqide xelqni melumatlandurmasliqidek ehwal xitaydiki tor betlerde qattiq munazire peyda qilip, naraziliq sadaliri yükselmekte.

Toluq bet