Xitayning bezi ziyaliyliri "Poyiz weqesi" diki hökümet da'irilirining mes'uliyitini sürüshtürüshni telep qilghan

Bezi xitay ziyaliyliri xitay xelq qurultiyining asasiy qanunda bérilgen hoquqqa asasen musteqil tekshürüsh ömiki qurup, hökümet emeldarlirining "23‏-Iyul téz sür'etlik poyiz weqesi" diki mes'uliyitini sürüshte qilishni telep qilghan.
Muxbirimiz erkin
2011-07-29
Élxet
Pikir
Share
Print

Puqralar hökümetning 23‏-iyul wénjuda yüz bergen téz sür'etlik ikki poyizning öz-ara soqulup kétip, nurghun ademning ölüsh weqesige bergen chüshenchisi we bir terep qilish usuligha qayil bolmighan idi.

Amérika axbarat wasitilirining xewer qilishiche, béyjing uniwérsitétining ataqliq qanun proféssori xu wéyfang torda maqale élan qilip, xitay xelq qurultiyini asasiy qanunning 71-maddisida bérilgen hoquqqa asasen alahide tekshürüsh komitéti qurush, weqening sewebi, hökümet organlirining jawabkarliqi, xitay tömür yol tereqqiyatining sür'iti we tereqqiyat sheklini sürüshtürüshke chaqirghan.

Lékin analizchilar, wén jyabawning peyshenbe küni weqe yüz bergen neq meydanni közdin kechürüp, xitay dölet kabinétining weqeni tekshürüsh ömiki qurghanliqini élan qilishi, xitay ziyaliylirining xelq qurultiyining musteqil tekshürüsh ömiki qurush toghrisidiki chaqiriqigha qayturulghan inkas dep körsetmekte.

Lékin yene bezi qanunshunaslar xelq qurultiyining tekshürüsh ömiki qurulghan teqdirdimu, obyéktip we biterep tekshürüsh élip bérishi qiyinliqini bildürgen.

Toluq bet