Xitay, dölet we shirketlerning pulini élip qachqan 580 jinayet gumandarining chet'ellerde panahliniwatqanliqini bildürdi

Xitay j x ministirliqi iqtisadiy jinayetler bölümining mes'uli ming chingféng, tünügün xitay kündilik géziti muxbirigha qilghan sözide, xitaydin dölet we shirketlerning pulini élip qachqan iqtisadiy jinayet gumandarliridin az dégende 580 kishining nöwette chet'ellerde panahliniwatqanliqini bildürdi.
Muxbirimiz shöhret hoshur
2010-12-29
Élxet
Pikir
Share
Print

Uning bildürüshiche, bu jinayet gumandarliri qanunsiz i'ane toplash, bankilarni aldap qerz élish we tijarette saxta toxtam tüzüsh qatarliq her xil yollar bilen dölet we shirketlerning zor miqdardiki pulini qolgha chüshürüp chet'ellerge élip ketken.

Melum bolushiche, xitayning nöwette 37 dölet bilen jinayet gumandarlirini qayturup bérish heqqide tüzgen kélishimi mewjut. Ming chingféngning bildürüshiche, mana bu kélishimge asasen, xitay 2006‏-yildin buyan, 20 dölettin peqet 250 jinayet gumandarini qayturup ekiteligen. Emma, köpinche döletlerning qanun sistémisidiki perqler sewebidin, xitay özining telep qilghan kishilirini qayturup ekitelmigen. Bu xil misallardin biri 10 nechche yildin buyan kanadada panahliniwatqan, xitay hökümiti teripidin chong tiptiki iqtisadiy jinayet gumandari dep qaralghan ley changshing dégen kishidur. Kanada sot mehkimisi, xitayda ölüm jazasi yolgha qoyuluwatqan we soraq jeryanida qiyin-qistaq yürgüzülüwatqan bolghachqa, ley changshingni xitaygha qayturup bérishni ret qilghan.

Toluq bet